Berbena zurtoin nahiko gogor eta lauangeluarra duen
eta lila koloreko loreak dituen landare txikia da. Beste alde batetik, Euskal Herrian aspalditik
izan da oso ezaguna eta erabilia. Artikulu
honetan berbena noiz eta non bildu daitekeen, zetarako erabiltzen zen, nola egiten den berbena
infusioa, berbenari buruzko bitxikerei eta beste hainbat gauzei buruzko
informazioa emango dugu. Anima zaitez irakurtzera!!!
Landare osoa erabiltzen da: hostoak, zurtointxoak eta loreak.Erabat loratu
gabe dagoenean jaso behar da. Udaberrian eta udan izaten du lore gehien;
tokiaren araberakoa da hori. Berbena-belarrari zelaiak, etxe ondoak, bide
ertzak, toki harritsuak, baratzeak eta abar gustatzen zaizkio.
Berbenaren ezaugarririk
garrantzitsuena zikinkeria, pasmoa, infekzioa kentzea eta garbitzea da. Hori
ukenduak, infusioak, gargarak, enplastuak, ardoak, alkohola, olioak, tinduak,
etab. eginez lortzen zen. Zauriren bat gaiztotu edo azalean zerbait sartuz gero
(arantza, ezkarda…), berbena enplastuak jarriko ditugu eta infekzioak barnekoak
ere izan daitezke zenbaitetan; kasu horietan, infusioak har daitezke, baina
gehiegikeriarik gabe, betiere.
Berbena infusioak barneko infekzioez gain hainbat zauri sendatzeko ere
erabiltzen dira. Berbena infusioa
egiteko, lehenik lehortu eta urte guztirako jaso behar da. Lehortzeko modurik egokiena
lore sortak hartu eta buruz behera jartzea da. Behin ondo lehortuta daudenean,
urte guztirako jasoko ditugu pitxarretan, toki lehor eta ilunean. Ondoren, ura
berotzen jarri eta gutxi gora-behera 5 g. berbena belar bota urari. Azkenik,
infusioa ahal duzun beroen edan behar duzu. Sendatzeko, egunean bitan hartu
behar da.
San
Joan bezperan lorea biltzen duenari zoriontasuna eta maitasuna ekarriko dion
sineskeria bat badago. Berbenak badu bere eguna, egun magikoa edo esaten zaio.
San Joan bezpera da hori, ekainaren 23a. Magia horri jarraituz, normalean, egun
horretan bildu behar da, gauean edo hurrengo eguna argitu aurretik. Esaten
dutenez, egun horretan izaten du indarrik handiena.
Maialen Amunarriz Lozano
iruzkinik ez:
Argitaratu iruzkina